ഒരു ലോഡ്-ഷെഡിങ്ങ് കാലത്ത്!

അങ്ങനെ 

നടന്നുകൊണ്ടിരിക്കെ ,

വെളിച്ചമില്ലാത്ത ഒരു 
വൻകരയിൽ നാമെത്തിപ്പെടും !
ഇരുളുകൂനയാക്കി തീകൊളുത്താമെന്നു-
പറഞ്ഞു നീ തീ തേടിപ്പോവുകയും
ഇരുള് കൂടിക്കിടക്കുന്ന ഒരു കോണിലേയ്ക്ക്, 

ഞാൻ തപ്പിത്തടയുകയും ചെയ്യന്ന
കഥയുടെ അന്ത്യത്തിൽ ..
കണ്ണുകൾക്ക്‌ പ്രഹരമേൽപ്പിച്ച്
മുറിയിലെ ട്യൂബ്-ലൈറ്റ്
പല്ലിളിക്കയും ,
പോയ കറണ്ട് തിരിച്ചുവന്നതായി
ഞാൻ തിരിച്ചറിയുകയും ചെയ്യുന്നു !